Beint á efni síðunnar

Traustir netþjónar

Netþjónar þurf sérstaka vernd og umsjón

Netþjónar eru grunnur netkerfisins, og öryggið ætti að endurspegla það

Vernd netþjóna gegn skemmdum og þjófnaði
  • Staðsettu netþjóna í læstu rými
  • Ef mögulegt er skaltu læsa skápum sem hýsa netþjóna
  • Sama gildir um netskipta og netbeina
  • Vaktaðu tækjarými og takmarkaðu aðgang að því
  • Gerðu ráðstafanir gegn eldsvoða, vatnsleka og þjófnað

 

Öryggisráðstafanir fyrir netþjóna
  • Rekstur netþjóna krefst tæknikunnáttu. Hugleiddu að ráða sérfræðing á því sviði, eða úthýsa rekstri þeirra.
  • Takmarkaðu fjölda þeirra sem fá uppgefið lykilorð stjórnanda netþjónsins
  • Netþjóna með Microsoft stýrikerfi er ágætt að láta keyra Microsoft Baseline Security Analyser, er veitir ráðleggingar um öryggismál
  • Eldveggir eru netþjónum nauðsynlegir, á sama hátt og hefðbundnum tölvum. Sama gildir um veiruvarnir. Mikilvægt er að uppfæra hvorttveggja reglulega
  • Ekki nota netþjón sem vinnustöð fyrir starfsmann
  • Fylgstu með skýrslugjöf netþjónsins, svo sem öryggisdagbókum (security logs) og fylgstu með breytingum og óreglulegu munstri.
  • Sjáðu til þess að kæling sé í tækjarými
  • Tryggðu að hægt sé að ná í tæknimenn netþjóna með skömmum fyrirvara
  • Meðhöndlaðu afrit af netþjóninum í samræmi við það að þau geyma öll gögn hans. Sjáðu til þess að afritin séu geymd á öruggum stað og eingöngu aðgengileg þeim sem hafa sérstaka heimild.
Notaðu réttan vélbúnað

Þó hefðbundin borðtölva geti keyrt stýrikerfi fyrir netþjón borgar sig að fjárfesta í áreiðanlegum búnaði , sem þolir vel álag. Við mælum með:

  • RAID margdiskastæðu sem keyrir óhindruð þótt einn diskur bili. Bilaða disknum er hægt að smokra út úr stæðunni og setja annan í staðinn.
  • Tvöfaldan aflgjafa og tvöfalt viftukerfi
  • Keyptu netþjón sem er smíðaður sem slíkur, og rekstraröryggið verður betra
  • Æskilegt er að hægt sé að læsa sjálfum netþjóninum á þann hátt að ekki sé hægt að opna hlífina utan um hann.
  • Veltu fyrir þér að kaupa sérhannaðan eldvegg að auki við þann sem er uppsettur í netþjóninum eða á borðtölvum.
Leita